بداية النهاية - تحدي ال٢٩ يوم
بداية النهاية
(من كان يومه مثل امسه فهو في نقصان)
Whoever has a day like his yesterday , then he is in declining
مرحبا يا عالم، Hello world
٢٩ يوما مروا مثل كل شهر لكن هذا الشهر صنعنا التغيير و غيرنا النتيجة و بنيت نفسي و الهمت فكري و صنعت ايامي .
لنرجع بالزمن و نرى .
مرحبا اني يوسف عمري ١٦ سنة من العراق كركوك تحديدا.
قبل اكثر من ٢٩ يوم شخص موهوب اسمة مرتضى اقترح علينة نغير فد شي بحياتنة و ما نبقى على نفس الروتين اليومي .
شارك اكثر من ٣٠٠ شخص موهوب و كل شخص هو و التحدي مالتة اني شاركت بأربع تحديات اساسية
١-برمجة
٢-تطوير الانكليزية
٣-اتعلم فرنسي
٤-الكتابة السريعة من دون النظر
و كلهن خلصتهن بس طبعا مو بالمستوى الي اطمحلة بس مع الاستمرار تترقى العزيمة
___________________________
اني قبل ما اشارك بالتحدي كان عندي مشكلة وحدة بحياتي هي انو اخجل اتكلم گدام (امام) الناس او الكاميرا بهذا التحدي كسرت قيود هذا الخجل بحيث صار عندي اصدقاء و صديقات من كل الاماكن و الخوف من الكاميرا انتهى تماما بعد تصوير فيديوهات للاستمارة
__________________________
من ناحية اهداف التحديات فكان عندي ٤ اهداف
١-اتعلم برمجة و كودينك و افتهم حتى ولو جزء بسيط من الكودينك ✅
٢-اطور من انكلزيتي بشكل ملحوظ✅
٣-اوصل بالكتابة السريعة ل ٣٠ كلمة بالدقيقة✅
٤-اتكلم فرنسي بطلاقة ❌
___________________________
و هنا لازم انطيكم ملاحظة و نصيحة بسيطة من ناحية المعنى لكن ثقيلة و صعبة على البعض من ناحية التطبيق
(اذا بديت شي بحياتك شي جديد و مصر على اكماله فأول و اخير شي لازم تفكر بيه هو الاستمرارية فمن دون الاستمرار مستحيل يتحقق الشي الي تريدة)
_____________________________
و لازم اشكر بعض الاشخاص لان انطوني هاي التجربة الممتعة الي عشتها و الي راح تنحفظ بالذاكرة:-
/-شكرا مرتضى الي سوا هذا التحدي اللطيف و الجميل الي خلاني اسوي شي من زمان اني ناوي اسوي بس بسبب الكسل ما سويتة
/-اشكر نفسي لان بقيت مواضب على كل التحديات صح عجزت بعض الايام بس اهم شي استمريت
/- اشكر اهلي لان انطوني الدافع حتى استمر
/- و اشكر كل شخص بگروب المشاركين بتحدي ال٢٩ يوم و جان يحجي ويانة لان فعلا لحظات تحفظ بالذاكرة
/- شكرا للكادر المتخصص الي جان ويانة بالتحدي و الي جان يحلوون مشاكلنا
و بالاخير اتمنى ما طولت عليكم و ما مليتوا مني او من حجيي
و شكرا للقراءة
مع السلامة
المصادر الي اتعلمت منهة :-
اللغة الانكليزية:تطبيق /z American English
اللغةالفرنسية :تطبيق / dualingo
البرمجة: من قناة /codezilla
الكتابة السريعة :من موقع /typing club
اتمنالك التوفيق يابطل 🌺🌺
ردحذف