بداية انطلاقة 29 يوم

مرحبا يا عالم يابة هلو شلونك مرتضى اعرفك بنفسي🤗 اني يوسف ايوب من كركوك و يمكن اني اصغر واحد بالتحدي 😬 المهم اختاريت للتحدي برمجة و الكتابة السريعة بدون النظر و التحدث بالفرنسية والانكليزية سبب اختياري للبرمجة شفت هواية ناس گاعد يبنون تطبيقات او websites و ردت اتعلم شلون يصنعونة جان عندي وقت هواية من ما استغلة جنت اكعد العب اغلب وقتي و بعد ما نشرت التحدي صار عندي حافز قوي لاعلى درجة بعد بدت ابحث فيديو بفيديو اشوف منو احسن شخص يگدر يعلمني بطريقة حلوة و فعلا لگيت الشخص و قبل ما تبدي التحدي مالتك گمت اشوف هواية فيديوهات للشخص حتى الحك لل٢٩ يوم اما بالنسبة للكتابة السريعة فدورت باليوتيوب و لكيت مواقع فعلا و مفيدة هواية و هي typing club و بديت حرف بحرف و الحمدالله هسة واصل مرحلة متوسطة يعني نص و نص سريع و طبعا هواية استمتاع لاخر حد و بعد عندي الهواية الثانية و هي تعلم اللغات الانكليزي كاعد اتعلم والحمدالله شوية و شوية اوصل لمرحلة الاحتراف اما بالنسبة لغة الثانية و هي الفرنسية اخذتهة بالمدرسة بشكل قليل قواعديا و تعرف هذي زين بشكل قليل لهذا بحثت عنهة باليوتيوب و لكيت و كاعد اتعلم و حالها حال الانكليزي سهلة و بسيطة بس تحتاج تركيز و بالاخير احب اشكرك هواية على المعلومات الحلوة الي تنطينة ياها كل يوم و شكرا على التحدي الرائع مالتك و بيباي❤️ رابط الانستغرام مالتي https://instagram.com/juzef___?utm_medium=copy_link