اليوم ال(20) في تحدي ال(29) يوم

مرحبا و مراحب باهل الخير معاكم يوسف ___________________________________________________________________________ رجعت لكم حتى نشوف شصار بهاي ال10 ايام و شسويت بيها ببداية التحدي خليت 4 تحديات لنفسي عبارة عن تطوير الانكليزية و تعلم الفرنسية و تعلم البرمجة و تعلم الكتابة السريعة (كلت هواية تعلم مو هيجي 😂 ) اما شتعلم او شستفاد عبارة عن التكلم بثقة باللغتين و اتعلم شلون اصنع تطبيق بسيط و الكتابة السريعة حاليا اريد اوصل 40 كلمة لان اني وصلت بالفعل 30 كلمة تقريبا هذا الاسبوع. _____________________________________________________________________________________و ندخل الان في صلب الموضوع هاي ال10 ايام احذفو 7 ايام منهة لان جنت مسافر يبقالي 3 ايام هاي ال3 ايام مستحيل يم اي واحد تكفي بس اني سويت غصب و اخذت اكثر من دروسي اليومية فمن ناحية الدروس بالكتابة السريعة وصلت مراحل متقدمة هواية بس مع الاسف سرعة الكتابة بعدهة قليلة .

اما بالنسبة للانكليزي دروسي كثيرة هواية بحيث اشكد ما تاخذ دروس هواية هم بعد يبقالي هواية.

الفرنسي اكثر شي مقصر ويا و اكثر شي متندم انو مقصر ويا. اما بالنسبة للبرمجة حالة حال الفرنسي هواية قليل اتابع و هذا غلط كبييييييير مني . ____________________كمية الجهد الي كاعد ابذلهة ابد مو راضي عليهة لان قليل هواية تقريبا 4 ساعات الى 5 ساعات باليوم و قليل صراحة اما كمية التعلم فنص ونص كمية الفرحة الي تصيبك من تعرف مشارك بتحدي و بي اكثر من يمكن 200 مشارك هواية فرحة هائلة لان لازم تفتخر بنفسك لانك شاركت بهيجي تحديات . بالنسبة للمفاجأة الوحيدة الي تفاجئك هو صح تحط خطة وتنفذهة كل يوم بس تشوف بعض الاحيان يلزمك مثل الاحساس يكلك اليوم استريح و تسوي بكلامة و المشكلة انو يمكن ان يستمر . و الختامية : دائما هناك اشياك لازم تكزن ممتن الهة اما بالنسبة لاشيائي انا ممتن لنفسي لاني كدرت اسوي اشياء ما جنت اكدر اسويهة قبل ابدا وممتن لصبري الي ابدا ما توقعت هلكد يستمر ممتن لعائلتي الي دائما تدعمني بكل شيء اما بالنسبة اذا اقدر اكمل كل اهدافي بنهاية التحدي فيمكن ما تخلص بس المهم حاولت بكل ما عندي و هذي النهاية و شكرا لكل شخص قرا للاخير والسلام عليكم و رحمة الله وبركاته